اعلامیه‌های مطبوعاتی بازدید:212 تاریخ نشر:2018-06-25

گروگانگیری بیش از 43 تن از افراد ملکی در شهر کندهار

کمیسیون مستقل حقوق بشر افغانستان

اعلامیه مطبوعاتی

 

کمیسیون مستقل حقوق بشر افغانستان گروگانگیری 43 تن از کارمندان یک شرکت ساختمانی را در ولایت قندهار، به شدیدترین الفاظ محکوم نموده و از افزایش گروگانگیری  شهروندان کشور ابراز نگرانی می‌نماید.

گروگانگیری شهروندان کشور یک عمل وحشیانه، غیرانسانی و غیرقانونی بوده که در مغایریت صریح با احکام دین مقدس اسلام، قواعد بشردوستانه بین‌المللی و قوانین ملی قرار دارد.

کمیسیون مستقل حقوق بشر افغانستان از مخالفین مسلح دولت جدا تقضا می‌کند تا به گروگانگیری‌های شان پایان داده و افراد ربوده شده را هرچه عاجل رها نموده تا با خانواده‌های شان یکجا شوند، همچنان قواعد بشردوستانه بین‌المللی را رعایت نموده و مرتکب چنین جنایات نگردند.

کمیسیون از دولت جمهوری اسلامی افغانستان خاصتا از نهادهای امنیتی و کشفی و ارگان‌های عدلی و قضایی جدا  تقاضا می‌نماید تا امنیت جانی افراد ربوده شده را تأمین و هرچه عاجل برای رهایی شان اقدمات همه جانبه را انجام داده تا این افراد با اعضای خانواده‌های شان یکجا شوند و همچنان عاملین قضیه را شناسایی و مورد پیگرد عدلی قرار دهند.

 

کمیسیون مستقل حقوق بشر افغانستان

2 سرطان 1397


بازنشر این مطلب