مطبوعاتي خبرتيا د مړو جسدونو ته د بې حرمتي او سپكاوى كولو په هكله د مړو جسدونو ته د بې حرمتي او سپكاوى كولو په هكله د افغانستان د بشر حقونو خپلواك كميسيون د غندني خبرتيا
د افغانستان د بشرحقونو خپلواك كميسيون په جګړه كي د وژل شوو كسانو د جسدونو سره د امريكائي سرتيرو د سپكاوى څخه ډكي كړني په كلكه باندي غند ي او د دې غوښتونكې دي چي د داسي كړونو څيړنه دې وشي او د بې حرمتيو په وړاندي دې كلك ودريږي . هغه خپاره شوى انځورونه چي د وژل شوو كسانو په وړاندي د امريكائي سرتيرو سپكاوى او توهيني كړنى څرګندوي ، چي د ټولو انساني حقونو ، بشرى ارزښتونو او د نړيوالو بشر دوستانه حقونو معيارونو پر خلاف عمل دى . د نړيوال بشر دوستانه حقونو د معيار سره سم د جګړې ټولي خواوي مكلفيت لري چي انساني كرامت په پام كي ونيسي او د هرډول بې حرمتي څخه ډډه وكړي . د افغانستان د بشر حقونو خپلواك كميسيون تل ئې د هغه كړنو غندنه كړې ده كوم چې د بشرحقونو او د بشردوستانه نړيوال حقونو موازينو ئې په افغانستان كي تر پښو لاندي كړي دي، او د هغه د تكرار په هكله ئې ګواښ كړيدي . د افغانستان د بشر حقونو خپلواك كميسيون يوځل بيا پر دې ټينګار كوي چي په جګړوكي اخته خواوي هغه مكلفيتونو ته غاړه كښيږدي كوم چي د جګړې په هكله منل شوي دي اود انساني او بشر دوستانه نړيوالو حقونو معيارونه په پام كي ونيسي ، موږ دا ډول د سپكاوى څخه ډكې كړنې په كلكه غندو او د دې كار سرته رسونكو ته محكمه او سخته سزا غواړو .
د افغانستان د بشرحقونو خپلواك كميسيون كابل ۲۳ / ۱۰ / ۱۳۹۰
|
