مطبوعاتي خبرتيا د افغانستان و دولت ته د پروان د زندان د سپارلو په اړوند د واشنگټن پست د مقالى په هكله
د افغانستان و دولت ته د پروان د زندان د سپارلو په اړوند د واشنگټن پست د مقالى په هكله د افغانستان د بشر حقونو خپلواك كميسيون خبرتيا د واشنګټن پست ورځپاڼې د جنورى په ۱۳نيټه د جمعي ورځى په ورځپاڼي كي يوه مقاله د دې كميسيون د چارواوكو له خولي ، وينا خپره كړى د ه چي په هغه كي د افغانستان د بشرحقونو خپلواك كميسيون د موضوع په اړوند په ناسمه توګه او پرته له زميني خپره او انعكاس ور كړىدى . په دې مقاله كي د اصلي زمينو او اجندا څخه بهرد کمیسیون دچارواکوله خوا يادونه او نقل قول شوې دي او په خپل انتخابي ډول ئې د كميسيون د چارواكو وينا راوړى ده خو دا د افغانستان د بشر حقونو خپلواك كميسيون د لوري د منلو وړ نه ده. د افغانستان د بشرحقونو خپلواك كميسيون خپل رسمي دريځ د رسنيو او مركو په وسيله په ليكلي اولنډه تو ګه د پروان د زندان د سپارولو د مسؤليت په اړوند په ۱۳۱۶ شميره( د ۱۳۹۰ كال د مرغومي په ۲۱ نيټه چي د ۲۰۱۲ ز كال د جنورى د ۱۱ نيټي سره سمون لري) د هشت صبح په ورځپاڼه كي خپور كړى دى. كميسيون د افغانستان و دولت ته د پروان د زندان د مسؤليت د ليږد د بهير هر كلى كوي ، خو د دې په څنګه د دولت څخه په دريو برخو كي غوښتنه كوي ، د قوانينو جوړول، د پروسجرپوره بهير او د هغه پوره پلي كول ، د زندانيانو د مسؤلينو د ظرفيتونو لوړتيا او همدارنګه د پوره بودجي او سرچينو تامينول او هم د زندان څخه د قانوني بنسټونو منظمه دايمي څارنه چي د زندانيانو د څارني مسؤليت په غاړه لري ورته اسانتياوي برابري كړي .
د افغانستان د بشر حقونو خپلواك كميسيون د ۱۳۹۰ كال د جدي ۲۵ نيټه
|
