|
د 1385لمريز کال د مرغومي شپاړسمه
د 2007 زيږديزکال د جنوري شپږمه
د افغانستان د بشري حقونو خپلواک کميسيون د ناټو د ځواکونو
له خوا د هغو بدلولونو هر کلى کوي چې د پوځي عملياتو په
بهير کې له هغو تيروتنو مخنيوي وکړي چې دملکي او بيګناه
کسانو د مرګ او وژوبلي لامل ګرځي او غوښتنه لري چې د
تروريزم پر ضد مبارزه کې خپلې پوځي ستراتيژۍ داسى سمبالې
او متمرکزې کړي چې د ملکي او بيګناه کسانو د حقونو او
امنيت ساتنه وشي .
د
افغانستان د بشري حقونو خپلواک کميسيون د تير کال په بهير
کې د ملکي تلفاتو په اړه له شپږ سوه څخه زياتى پيښې ثبت او
ارزولي دي چې د نړيوالو ځواکونو د پوځي عملياتو او د
مخالفانو لخوا د تروريستى عملياتو په پايله کې رامنځته شوي
دي.
د
افغانستان د بشري حقونو خپلواک کميسيون د تروريزم پر ضد د
نړيوال ائتلاف له ځواکونو او د ناټو له چارواکو څخه تل
غوښتنه کړې ده چې دپوځي دندو د سرته رسولو په بهير کې د
افغانستان قوانين او نړيوال بشرپاله قوانين په پام کې ولري.
همدارنگه
کميسيون له نړيوالى ټولنې او د افغانستان له دولت څخه په
ټينګار سره غوښتنه کړې چې د تروريزم پرضد مبارزه کې د
افغانستان د اقتصادي، ټولنيزې او سياسي بيا رغونې او د
بيوزلۍ او زورزياتۍ سره مبارزې په برخه کې لا زياته
پاملرنه وکړي.
هغه
کسان او کورنيۍ چې د تروريزم پرضد د مبارزى په بهير کې يې
څاني او مالي زيان ليدلى د زياتې پاملرنې وړدي.
کميسيون
د ناټو او د افغانستان د اسلامي جمهوري دولت له چارواکو
څخه غواړي چې د هغوې اوسني او راتلونکي وضعيت ته د پاملرنې
ترڅنګ هغه تاوانونه جبران کړي چې دغو کسانو او کورنيو ته
اړول شوي دي.
|
