|
د بشري حقونو د نريوالې ورځې د لمانځلو په وېاړ د ډاکټرې
سيما سمر وينا !
د عادل خداي په نامه
نن د بشري حقونو د نړيوالې ورځې له لمانځلو سره يو ځاى د
افغانستان خلک د قانون د واکمنۍ او عدالت يو نوى پړاو
تجربه کوي.
زموږ
خلکو په تيرو پنځو کلونو کې د بشري حقونو د وضعيت د ښه
والي له پاره څه ناڅه هڅې کړې دي، خو د بشري حقونو د
فرهنګ دودول او انسانې کرامت ته د درناوي د کچي لوړتيا
داسې کارونوته اړتيا لري چې د تېرو بې عدالتيو څخه اغيزمن
نه وي او د قضايي تعقيب څخه د معافيت فرهنگ ته د پاي تکى
کيږدي.
زموږ د هېواد خلک اوس مهال تر هرڅه امنيت، پرمختيا او
عدالت
ته ډېره اړتيا لري ځکه زموږ خلکو د جهاد، جګړي او مقاومت
د کلونو په دوران کي بې شمېره دردونه، ربړې او کړاوونه
ګاللي دي.
ددې
خاورې هره لويشت د کورينو او بهرينو تيرى کوونکو لخوا د تر
سره شوي استبداد ، بې عدالتيو او ښکاره ظلمونو شاهده ده
د
ظلم او استبداد څخه په رامنځ ته شويو زخمونو باندې د پټۍ
اېښودو له پاره اړينه ده چي په هېواد کې د شوي زور زياتۍ
او د بشري حقونو څخه د سرغړاوي په وړاندې عادلانه او په
زړورتيا سره چلند وشي.
لوى
خداې ج موږ ته د عدالت امر کوي نوپه موږ فرض ده چي د
عدالت، امنيت او قانونيت په لارکې د انساني سوکالۍ لپاره
کار وکړو. ځکه له عدالت څخه پرته سوله هغه ودانۍ ته ورته
ده چې د سيلاب په مخکې ودانه شوې وي.
زموږ
د نن او سبا ورځې پرمختيا، د بشرې حقونو وده او انسانۍ
کرامت ته د درناوي د کچي لوړتيا ددې غوښتونکې ده چي د جګړې
د شهيدانو او قربانيانو درناوى وشي اود هغوى په کړاوونو
اعتراف وکړل شي تر څو چي د شهيدانو او قربانيانو د پاتي
شويو کسانو په سترګوکې د مايوسۍ اوښکي ونه ليدل شي او د
عدالت لپاره د هغوى غوښتنوته ځواب وويل شي.
د
افغانستان د بشري حقونو خپلواک کميسيون د زړه له کومې خوښ
دى چې د هېواد سياسي او تولنيز وضعيت ته په پام سره يې د
يوې ملي ستراتيژۍ د تدوين په خاطر بنسټيز ګامونه پورته
کړل.او د افغانستان اسلامي جمهوري رياست د دغه اسلامي ،
شرعي او انساني موخې د تر سره کېدو په موخه د انتقالې
عدالت ملي ستراتيژي تصويب کړه
په
دې اړه لا ډير خنډونه په مخکې پراته دې چې دغه ستراتيژي
قربانيانو او د هغوې د پاتي شويو کسانو د ژوند واقعيت ته
بد لون ورکړي ، د همدې موخې له پاره نن د افغانستان د
اسلامي جمهوري دولت ولسمشر جلالتماب ښاغلي حامد کرزى ته
بلنه ورکوم چي دلته تشريف راوړي او د سولې ، عدالت او
پخلاينې په اړه د افغانستان د اسلامي جمهوري دولت کړنلاره
رسماً اعلام کړي
مننه
|
