|
دو شنبه د 1386 کال
دوري شلمه
د افغانستان د بشري حقونو خپلواک کميسيون د طالبانو لخوا د
افغان ژورناليست اجمل نقشبندي بيرحمانه وژنه د يوه ويرونکي
جنايت په توگه په کلکه غندي.
د افغانستان د بشري حقونو خپلواک کميسيون د افغان
ژورناليست اجمل نقشبندي د شهادت له امله د هغه درنى کورنۍ
او د افغانستان ملت ته ډاډګيرنه وړاندې کوي او ددغى پيښى
له امله په ژوره توگه خواشينى دې.
دروان کال په بهير کې د افغانستان د ژورناليزم د ډګر
کارکوونکوته د وهلو ټکولو، سپکاوي، گواښ، يرغمل نيولو او
وژنى څلويښت قضيى رامنځته شوي چې په نړۍ کې پر
ژورناليستانو د بريدلوړه کچه څرګندوي.
د افغانستان د بشري حقونو خپلواک کميسيون په ټينگه د
افغانستان له دولت او نړيوالى ټولنې څخه غواړي چې د
ورځپانه ليکونکو او خبريالانو د خونديتوب لپاره اړين
اقدامات پلي کړي.
برسيره پردې د افغانستان د بشري حقونو خپلواک کميسيون تمه
لري چې د افغانستان خلک نور هغو بيرحمو او تروريستو ډلوته
اجازه ورنکړي چې د استوګنو له ځايونو، جوماتونو او د ملي
او ديني ارزښتونو څخه په ګټې اخيستنى سره ملکي او بيګناه
کسان ووژني.
|
