معلویت دارکالې جننا حقوقنستاټنگان

ساندين:

معلوليت داركالي جننا حقوقنستا بين المللى ميثاق ، تيس الحاقى پروتوكولستا پلا ۲۰۰۶ سال دسمبرس ڵويې منگله ، انډيوال ملتنا سازمنس عمومي پڼني كوچه تصويب او ۲۰۰۷ سال مارچس ۳۰ منگل گالايه ، انډيوال ملتنا سازمنس مقر كوچه آستلكان كېني آنتې دولتېلاينا نمايندگننى پوړا بيك. پروالي دوسه ۸۲ وطنېلايه ميثاق او ۴۴ وطنېلايه تيس الحاقي پروتوكولى آستلكان كېچين او اي وطنې ميثاق به توشيح كېكن. يو انخول حال كوچه شې كه مه ميثاقې چيه دې بو گنات آستلكان كېكالي امضاس پروالي دوسه، بين المللى ميثاقېلاينا تاريخ كوچه جانېكه اختصاص كېويا آن.يو سند وستو اي منگل قرنس بشري حقوقنا اولوالي بين المللى جامع سند او عين حال كوچه اي ميثاقس تصويب خاطرى مذاكرته آنتې چيه دې موټا دوراس يعنى چار سالنا (۲۰۰۲ – ۲۰۰۶) محصولي به شې.

اوچېنيس وړي شې ، اېمي آنتې پامدارني پلا كه دنياس ۱۰۰ دې بو وطنېلا اي سال دې كم مودا كوچه مه ميثاق پلا ملوي آن. خو افغانستان مه ونټى كوچه بو مشكلات او بو گنات معلوليت داركالي جننا داريك پلا به ابت جا مه ميثاق پلا ملوا نه شې. افغانستنس بشرس حقوقنا تانكواك كميسيون ، مه ميثاق پلا افغانستان اسلامى جمهوريتس اكټوبكستا اېړكاليى شې تا جامعا كوچه مه زيان منكالا قشرس بشري حقوقنستا اعاديى ممكن بې او ته كېتا بان تانك پايه شره تستن او وري وطندارنه كوى اي ركم امكانتنا داريك پلا زندگى كن.

متن کامل کنوانسیون افراد دارای معلولیت به زبان پشه ای


بازنشر این مطلب